«Դոմփել» բառը շատ մեղմ է ասված. ՔՊ-ական պատգամավոր

ՔՊ-ական պատգամավոր Նարեկ Գրիգորյանը կարծում է, որ Նիկոլ Փաշինյանի բառապաշարը շատ մեղմ է։

Լրագրողը նրանից հետաքրքրվեց՝ «դոմփելու ի՞նչն է մեղմ»։

«Կներեք, այդ բառը շատ եք սիրում կրկնել, այո՛, այդ բառը շատ մեղմ է ասված։ Մարդիկ, այսքան տարի խաբելով Հայաստանի ժողովրդին, խաղալով հույզերի հետ… էդ բառն ավելի մեղմ է, չեմ ուզում այլ բառեր ասել, որոնք հետագայում կդառնան քննարկման առարկա, բայց, այո՛, այդ բառը շատ մեղմ է»,- ասաց նա։

Լրագրողի ճշտող հարցին՝ եթե «դոմփել» բառը թարգմանեն գերտերությունների ղեկավարների մոտ՝ ՔՊ-ականների մոտ ինչ-որ հարց չի՞ առաջանա՝ Գրիգորյանն արձագանքեց. «Ի՞նչ եք կարծում՝ հիմա բոլորը չգիտե՞ն, կամ այդ բառն ի՜նչ մի տրագեդիոն բառ է»։