«28-ում ես կապրեմ այլ ձևով»․ Մարիամ Ալեքսանյան

Դերասանուհի Մարիամ Ալեքսանյանը, ով հունիսի 8-ին նշել է ծննդյան 28-ամյակը, նոր գրառում է արել՝ շնորհակալություն հայտնելով իրեն ուղղված շնորհավորանքների համար եւ կիսվելով իր նոր տարեթվին անցնելու մտքերով։ 

«28-ում ես կապրեմ այլ ձեւով։ Ես ապրելու եմ ինձ համար, ինձ լսելով։ Չեմ վախենալու սխալվելուց, չեմ ամաչելու լռելուց, թույլ լինելուց, պարտվելուց: 

Ես ապրել եմ խորը, զգացել շատ ու չեմ դադարել հավատալ:

Շնորհակալ եմ ինձ՝ ինքս ինձ չկորցնելու համար: 
Բարի գալուստ իմ 28-ին՝ լիարժեք, խիզախ, խաղաղ տարիքիս:
Շնորհակալ եմ բոլորիդ շնորհավորանքների համար»:

Գրառմանը կից նա լուսանկար է տեղադրել՝ ցուցադրելով իր կերպարը, որով ներկայացել է ծննդյան խնջույքին։ Մարիամը կրել է առանց ժապավենների սպիտակ զգեստ, բաց շագանակագույն երկարաճիտ կոշիկներ եւ կերպարն ամբողջացրել է պսակի նմանվող ոսկեգույն գլխազարդով։