Լոս Անջելեսում բողոքի ցույցերի պատճառով պարետային ժամ է սահմանվել

Լոս Անջելեսի որոշ շրջաններում պարետային ժամ է սահմանվել շարունակվող բողոքի ցույցերի պատճառով: Այս մասին X սոցիալական ցանցում հայտարարել է քաղաքի քաղաքապետ Կարեն Բասը։

«Ես այսօր երեկոյան ժամը 8-ից Լոս Անջելեսի կենտրոնում պարետային ժամ եմ սահմանել: Եթե դուք չեք ապրում կամ չեք աշխատում Լոս Անջելեսի կենտրոնում, խուսափեք այդ տարածքից: Իրավապահ մարմինները կձերբակալեն պարետային ժամը խախտող յուրաքանչյուրին», - ասվում է հաղորդագրության մեջ։

Հունիսի սկզբին ԱՄՆ ներգաղթի և մաքսային ծառայության (ICE) կողմից Լոս Անջելեսի կենտրոնում անօրինական ներգաղթյալներին հայտնաբերելու համար անցկացված ռեյդը վերածվեց ցուցարարների հետ բախումների: Սպիտակ տան պաշտոնյաները քաղաքում տեղի ունեցած բողոքի ցույցերը համարեցին «օրենքի դեմ ապստամբություն»: Կալիֆորնիայի ազգային գվարդիան շուտով ժամանեց Լոս Անջելես: Քաղաքի կենտրոնում գտնվող դաշնային շենքի մոտ նկատվել են մոտ մեկ տասնյակ ազգային գվարդիայի անդամներ: