Վաշինգտոնի հետ բանակցությունները «փակուղի չեն մտել»․ Իրանի փոխարտգործնախարար

Իրանի փոխարտգործնախարար Մաջիդ Թախտ-Ռավանչին հայտարարել է, որ Վաշինգտոնի հետ միջուկային բանակցությունները «փակուղի չեն մտել»՝ նշելով, որ Իրանի պատասխանը ԱՄՆ առաջարկին կլինի տրամաբանական և կառուցողական, հաղորդում Է Mehr-ը:

Իրանի փոխարտգործնախարարի խոսքով՝ «ինչպես ցանկացած միջազգային բանակցությունների դեպքում, Իրանի և ԱՄՆ-ի միջև բանակցությունները ժամանակ են պահանջում, և այդ բանակցությունների ընթացքում կան վերելքներ և վայրէջքներ»: Նա հայտնել է՝ Իրանի առաջարկը բաղկացած չէ մեկ նախադասությունից կամ պարբերությունից, որը կարելի է հեշտությամբ հեռացնել: Այն պարունակում է տարրեր, որոնք ցույց է տալիս իրանական կողմի լրջությունն ու դիրքորոշումը:

Թախտ-Ռավանչին ընդգծել է, որ պատրաստված տեքստը դեռ չի լրամշակվել, սակայն հուսալի հիմք է ծառայում հետագա քննարկումների համար: Ըստ փոխարտգործնախարարի՝ իրականությունն այն է, որ «այս փուլում մենք չափազանց երկար տեքստ չենք քննարկում, քանի որ մտադիր չենք ներկայացնել համապարփակ, շատ ժամանակատար համաձայնագիր կամ փոխըմբռնում»։