Կալիֆորնիայի իշխանությունները հրաժարվել են Ֆլորիդայի օգնությունից՝ դադարեցնելու բողոքի ցույցերը

Կալիֆորնիայի նահանգապետ Գևին Նյուսոմը հրաժարվել է ընդունել Ֆլորիդայի նահանգի օգնությունը՝ դադարեցնելու բողոքի ցույցերը Լոս Անջելեսում։ Այս մասին Miami Herald-ին հայտնել է քաղաքական գործչի մամուլի քարտուղար Դիանա Քրոֆթս-Պելայոն։

«Հաշվի առնելով, որ գվարդիան ի սկզբանե պետք չէր, մենք մերժեցինք նահանգապետ Դեսանտիսի փորձը՝ վատթարացնելու առանց այն էլ քաոսային իրավիճակը, որն արդեն վատացել էր իր կուսակցության առաջնորդի՝ ԱՄՆ նախագահ Դոնալդ Թրամփի կողմից»,- ասել է նա։

Ավելի վաղ Ֆլորիդայի նահանգապետ Ռոն ԴեՍանտիսը Fox News-ին տված հարցազրույցում ասել էր, որ իր գործընկերոջն օգնություն է առաջարկել քաղաքում իրավիճակը կարգավորելու հարցում, սակայն մերժում է ստացել։ Հաղորդվում է, որ խոսքը Ֆլորիդայի գվարդիայի՝ շրջան ուղարկելու մասին էր։

Դաշնային դատավորը մերժել է Կալիֆորնիայի նահանգապետ Գևին Նյուսոմի հայցը՝ ԱՄՆ նախագահ Դոնալդ Թրամփի վարչակազմի կողմից Լոս Անջելեսի ռազմականացումը անհապաղ դադարեցնելու վերաբերյալ։