Որոշ կաշառակերներ տակից-գլխից խոսում են, խոսքը Քոչարյանի մասին է. Փաշինյան (տեսանյութ)

«Ընդդիմության շարքերից էլի խոսում են, որ «Հայաստան» համահայկական հիմնադրամի միջոցներից յուրացվել են, գողացվել են, ուզում եմ հիշեցնել, որ Աժ-ում քննիչ հանձնաժողով էր ձևավորվել ու հանձնաժողովը ղեկավարում էր ընդդիմության ներկայացուցիչը, պետք է արձանագրել՝ ո՞ւր է եզրակացությունը»,– Կառավարության այսօրվա նիստում ասաց Նիկոլ Փաշինյանը։

«Էլի դուրս են գալիս, տակից-գլխից խոսում են որոշ կաշառակերներ, չասենք՝ ում մասին է խոսքը, չնայած, բոլորս էլ հասկացանք՝ խոսքը Ռոբերտ Քոչարյանի մասին է։ Արծվիկ Մինասյանը չէ՞ր հանձնաժողովի ղեկավարը, բա ո՞ւր է զեկույցը, թող գրեն, ստորագրեն, որ գողացվել է, մենք էլ կիմանանք՝ ինչ անենք, սիրուն կդիմենք դատարան ու նրանց կստիպենք հակառակը պնդել»,- ասաց նա։

Նիկոլ Փաշինյանը հայտարարեց՝ «Հայաստան» խմբակցության պատգամավորը պետք է պատասխան տա՝ բա ի՞նչ եղավ, ո՞ւր է, ի՞նչ եզրակացություն ունեն։