Տպավորություն ունեմ, որ իմպիչմենտի նախաձեռնողներն այլ նպատակ ունեն․ Արթուր Խաչատրյան
ԱԺ «Հայաստան» խմբակցության պատգամավոր Արթուր Խաչատրյանը հարցեր ունի՝ ինչո՞ւ ՀՀԿ–ն ինքը հանդես չի եկել իմպիչմենտի նախաձեռնությամբ։
«Իմպիչմենտի մասին մեր կարծիքը հայտնել էինք դեռևս ամիս ու կես առաջ, թե որն են մեր պայմանները, մենք չենք շեղվում մեր հայտարարած նպատակից, դա վերահաստատել էր նաև խմբակցության ղեկավարը երկու օր առաջ տարածած հայտարարության մեջ, մեր խմբակցության պատգամավորներն են հստակ նշել, դա է իրականությունը»,– ասել է նա։
Պատգամավորի տպավորությամբ՝ իմպիչմենտի նախաձեռնողներն այլ նպատակ ունեն․
«Եթե իրենք իրոք շահագրգռված լինեին, որ այդ հարցը մտներ օրակարգ, իրենք առնվազն արդեն աշխատանքներ տարած կլինեին նրանց հետո, առանց ում քվեների հնարավոր չէ այդ հարցը կարգավորել։ Թվում է, թե ութ հոգի արդեն ստորագրել են, 28 հոգի են պակաս․ հենց ստորագրեն, իրենք վազելով կմտցնեն Ազգային ժողով և 72 ժամ հետո կունենանք նոր վարչապետ։ Իրենք տպագրել են թուղթ, որտեղ կա վեց ստորագրություն։ Մենք տպագրել ենք թուղթ, որտեղ կա 28 ստորագրություն և հայտարարել ենք, որ այդ 28 ստորագրությունը պատրաստ են, 36 ստորագրություն պետք է ապահովեն»,– ասել է Խաչատրյանը:
ՈՒՂԻՂ ԵԹԵՐ
Ամենադիտված 
Էմոցիաների տակ հայտարարություններ եմ արել, որոնց համար չեմ հպարտանում. ներողություն եմ խնդրում (տեսանյութ)
