Իրանը հայտարարել է Իսրայելի հերթական F-35 կործանիչի խոցման մասին

Իրանի հակաօդային պաշտպանության համակարգերը հերթական անգամ խոցել են Իսրայելի ռազմաօդային ուժերին պատկանող F-35 կործանիչ, հայտնում է երկրի պետական հեռուստաընկերությունը։ Ըստ տվյալների՝ ինքնաթիռը խոցվել է Իրանի արևմտյան շրջաններում, իսկ օդաչուն հասցրել է կատապուլտով դուրս գալ՝ նրա ճակատագիրն այս պահի դրությամբ անհայտ է։

Նախքան դեպքը, Իսրայելի ՊՆ-ն հայտնել էր, որ Իրանը հրթիռներ է արձակել Իսրայելի ուղղությամբ։ Թել Ավիվն իր հերթին սկսել էր հակահարվածային գործողություններ՝ նշելով, որ նպատակն է վերացնել «սպառնացող վտանգը», հայտնում է Лента.ру-ն։

Ավելի վաղ Թեհրանը հրապարակել էր կադրեր, որոնցում, ըստ պնդումների, պատկերված է օդաչուի վայրէջքը։