Իրանն ակնկալում է, որ BRICS-ը կդատապարտի Իսրայելի ագրեսիան․ ԱԳՆ
Իրան
Իրանը ակնկալում է, որ BRICS-ը հստակ դիրքորոշում կընդունի և կդատապարտի Իսրայելի հարձակումները Իսլամական Հանրապետության վրա, հայտարարել է Իրանի ԱԳՆ պաշտոնական ներկայացուցիչ Էսմայիլ Բաղային, փոխանցում է ՏԱՍՍ-ը։
BRICS-ի ներկայացուցիչները հունիսի 16-17-ին մի շարք հանդիպումներ կանցկացնեն՝ քննարկելու Մերձավոր Արևելքում էսկալացիան։
Բաղային հիշեցրել է, որ վերջին տարիներին Շանհայի համագործակցության կազմակերպությունը (ՇՀԿ) և BRICS-ը համապատասխան մեխանիզմներ են ստեղծել անդամ երկրների միջև համագործակցության համար։
Դիվանագետն ընդգծել է, որ ՇՀԿ-ն լավ հայտարարություն է տարածել՝ դատապարտելով Իսրայելի հարձակումը Իրանի վրա։ Բաղայիի խոսքով՝ նշված օրերին BRICS-ը նույնպես հանդիպումներ կունենա, և Թեհրանը կապի մեջ է անդամ երկրների հետ իրենց տեսակետները փոխանցելու համար։
Իրանի արտգործնախարարության խոսնակը հավելել է, որ BRICS-ը, ինչպես ՇՀԿ-ն, պետք է ճանաչի Մերձավոր Արևելքում ծագած իրականությունը՝ «զինված և անօրինական հարձակում» մեկ այլ երկրի վրա։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
