Իրանն արգելափակել է իր ստորգետնյա միջուկային օբյեկտների մուտքերը՝ կանխելու ԱՄՆ-ի և Իսրայելի հատուկ ջոկատների ներթափանցումը

Բլոգ The Aviationist-ի տվյալներով՝ Իրանը կանխարգելիչ քայլ է կատարել՝ փակելով իր ստորգետնյա միջուկային օբյեկտների մուտքերը, որպեսզի ամերիկյան կամ իսրայելական հատուկ ջոկատները չկարողանան ներթափանցել։ Պարբերականը նշում է, որ մինչ ռմբակոծությունների սկսվելը արբանյակային լուսանկարներում արդեն երևում էին աշխատանքներ՝ Ֆորդոյի օբյեկտի թունելները ծածկելու ուղղությամբ։

Ըստ աղբյուրի՝ այս քայլը կարող էր միաժամանակ կանխել թե՛ օդային հարվածները, թե՛ հնարավոր ցամաքային ներխուժումները, որոնք, ըստ որոշ գնահատականների, համարվում էին Իսրայելի միակ արդյունավետ տարբերակը՝ նման բարձր աստիճանի պաշտպանված օբյեկտին վնաս հասցնելու համար՝ առանց ԱՄՆ-ի ուղիղ աջակցության։

Ավելի վաղ ԱՄՆ նախագահ Դոնալդ Թրամփը հայտարարել էր իրանական միջուկային օբյեկտների լիակատար ոչնչացման մասին, մինչդեռ Թեհրանը հայտնել էր դրանց ամբողջական պահպանման մասին։ The Aviationist-ը նշում է, որ իրական պատկերը հավանաբար գտնվում է այս երկու հայտարարությունների միջև։