Թրամփն իր խոսքերով վտանգի տակ է դրել Հաագայում կայանալիք ՆԱՏՕ-ի գագաթնաժողովը

ԱՄՆ նախագահ Դոնալդ Թրամփի՝ ՆԱՏՕ-ի 5-րդ հոդվածի վերաբերյալ արված մեկնաբանությունները վտանգի տակ են դրել Հաագայում կայանալիք դաշինքի գագաթնաժողովը, գրում է Financial Times-ը։

Թրամփը ուղիղ պատասխան չի տվել այն հարցին, թե արդյոք ինքը հետևում է այս հոդվածում արտացոլված կոլեկտիվ անվտանգության սկզբունքին՝ ասելով, որ դա կախված է «նրանից, թե ինչ սահմանում եք օգտագործում»։

«Գագաթնաժողովը կախված է նրանից, թե ինչ կորոշի Թրամփը։ Մենք բոլորս այստեղ նստած սպասում ենք, որ նա մեզ ասի, թե արդյոք նա պաշտպանելու է Եվրոպան», - ասել է հրատարակության աղբյուրներից մեկը։

ՆԱՏՕ-ի գագաթնաժողովը ընթանում է Հաագայում հունիսի 24-25-ը։ Թեմաներն են զսպումը և պաշտպանությունը։ Հանդիպման հիմնական նպատակն է խրախուսել դաշինքի անդամ պետություններին իրենց համակցված բյուջետային ներդրումները հասցնել իրենց ՀՆԱ-ի 5%-ին, որից 3,5%-ը կհատկացվի ուղղակի ռազմական ֆինանսավորմանը, իսկ 1,5%-ը՝ օժանդակ ֆինանսավորմանը։