Ընտանի կենդանիները միշտ չէ, որ բարելավում են մարդու հոգեվիճակը. Հետազոտություն

Բուդապեշտի գիտնականները կասկածի տակ են դրել տարածված համոզումը, թե ընտանի կենդանիները միշտ բարենպաստ են մարդու հոգեբանական վիճակի վրա։ Scientific Reports-ում հրապարակված ուսումնասիրությունը ցույց է տվել, որ նույնիսկ COVID մեկուսացման շրջանում ոչ կենդանու ձեռքբերումը, ոչ էլ կորուստը էական և երկարատև ազդեցություն չեն ունեցել մարդկանց ինքնազգացողության վրա։

Հետազոտության արդյունքում պարզվել է, որ շների նոր տերերը սկզբում զգացել են որոշակի զգացմունքային բարձրացում, սակայն ամիսներ անց նրանց կյանքի գոհունակությունն ու ներքին կայունությունը նվազել է, իսկ միայնության զգացումը մնացել անփոփոխ։ Նույնպես, կենդանու կորուստը չի բերել նկատելի վատթարացման նախկին տերերի հոգեվիճակում։

Հետազոտողները շեշտում են՝ կենդանու հետ համատեղ բնակության «բուժիչ ազդեցությունը» գործում է միայն որոշակի խմբերի վրա, օրինակ՝ միայնակ տարեցների կամ կենդանիների հետ խորը հուզական կապ ունեցող մարդկանց դեպքում։