Գերմանիան կֆինանսավորի Ուկրաինային 500-ից ավելի հեռահար հարվածային դրոնների մատակարարում

Գերմանական կառավարությունը պատրաստվում է ֆինանսավորել ավելի քան 500 հարվածային անօդաչու սարքի արտադրությունն Ուկրաինայի համար՝ մինչև 1200 կմ հեռավորությամբ։ Ինչպես գրում է Die Welt-ը՝ հղում անելով անվտանգության ոլորտի աղբյուրներին, խոսքը գնում է Ան-196 մոդելի հարվածային դրոնների մասին։

Դրանք ունակ են տեղափոխել մինչև 50 կգ պայթուցիկ և, ըստ աղբյուրների, կարող են օգտագործման պատրաստ լինել արդեն առաջիկա ամիսներին։ Սա Գերմանիայի կողմից Ուկրաինային տրամադրվող առաջին հեռահար հարվածային զենքի ֆինանսավորումն է, նշում են լրագրողները։

Միևնույն ժամանակ, մամուլում հայտնվել է հակասական տեղեկություն այն մասին, որ Ուկրաինային խոստացված 9,2 միլիարդ եվրոյից մոտ 1 միլիարդը «անհետացել» է։ Ըստ Bild-ի, Գերմանիայի պաշտպանության նախարարն էր հայտարարում այդ գումարի տրամադրման մասին, սակայն բյուջեում նախատեսված է 8,3 միլիարդ եվրո։