Գազայում 22 պաղեստինցի է զոհվել իսրայելական հարձակումներից

Գազայի բժշկական աղբյուրները հայտնել են, որ հունիսի 6-ի լուսաբացից ի վեր Գազայի հատվածի տարբեր շրջաններում իսրայելական բանակի ռմբակոծությունների հետևանքով զոհվել է 22 պաղեստինցի։ Այս մասին հայտնում է Al Jazeera-ն։

Զոհերից յոթը գրանցվել է Գազայի հատվածի Ռաֆահ քաղաքում գտնվող օգնության բաշխման կենտրոնի մոտ Իսրայելի հրետակոծության հետևանքով։

Իսրայելական լրատվամիջոցները հայտնել են Գազայի Խան Յունիս քաղաքում ականապատված շենքի պայթյունի հետևանքով իսրայելցի 5 զինվորի զոհվելու մասին։ Խան Յունիսում գտնվող գումարտակի հրամանատարը պայթյունի իրականացման մեջ մեղադրել է ՀԱՄԱՍ-ին։