Իրանը Չինաստանից բալիստիկ հրթիռների բաղադրիչներ է պատվիրել. The Wall Street Journal

Իրանը հազարավոր տոննա բալիստիկ հրթիռների բաղադրիչներ է պատվիրել Չինաստանից՝ նպատակ ունենալով վերականգնել և ընդլայնել իր ռազմական ներուժը։ Այս մասին հաղորդում է The Wall Street Journal-ը՝ հղում կատարելով գործարքի մանրամասներին ծանոթ աղբյուրներին։

Ըստ պարբերականի՝ առաջիկա ամիսներին Իրանի Իսլամական Հանրապետություն պետք է հասնեն ամոնիումի պերքլորատի խոշոր խմբաքանակներ։ Այդ նյութը հանդիսանում է հիմնական օքսիդացնող տարր բալիստիկ հրթիռների վառելիքի համար և կիրառվում է հարյուրավոր հրթիռների լիցքավորման գործընթացում։

Աղբյուրներից մեկի համաձայն՝ հնարավոր է, որ նյութերի մի մասը հետագայում փոխանցվի Իրանի կողմից աջակցվող զինված խմբավորումներին, այդ թվում՝ Եմենում գործող հութիներին։