Զելենսկին մեկնել է Վատիկան՝ Կիևի վրա զանգվածային հարվածների ֆոնին

Ուկրաինայի նախագահ Վլադիմիր Զելենսկին հուլիսի 10-ի առավոտյան ժամանել է Վատիկան՝ մասնակցելու Ուկրաինայի վերականգնմանը նվիրված ֆորումին, այն պահին, երբ Ռուսաստանը ժամեր շարունակ հարվածում էր Կիևին և մի շարք մարզերին։

Ըստ «Общественное»-ի՝ հրապարակված կադրերում Զելենսկին կնոջ՝ Ելենայի և անվտանգության աշխատակիցների ուղեկցությամբ դուրս է գալիս մեքենայից և հանդիպում ֆորումի կազմակերպիչների հետ։ Նա կրում էր սև կոստյում՝ առանց բաճկոնի։

Զելենսկու խոսքով՝ հարձակման ընթացքում Ռուսաստանը գործադրել է 18 թևավոր և բալիստիկ հրթիռ, ինչպես նաև շուրջ 400 հարվածային անօդաչու։ Հարվածներ են հասցվել ոչ միայն Կիևին, այլև Չեռնիգովի, Սումիի, Պոլտավայի, Կիրովոգրադի և Խարկովի շրջաններին։