Թրամփը դիտարկում է Ուկրաինային Tomahawk հրթիռներ մատակարարելու հավանականությունը

ԱՄՆ նախագահ Դոնալդ Թրամփը քննարկել է Մոսկվա և Սանկտ Պետերբուրգ հասնելու ունակ Tomahawk թևավոր հրթիռները Ուկրաինային փոխանցելու հնարավորությունը, գրում է  Washington Post-ի սյունակագիր Դեյվիդ Իգնատիուսը։

Սյունակագրի խոսքով՝ Tomahawk-ները ներկայումս բացառված են մատակարարումների ցանկից, բայց դրանք կարող են ավելացվել ավելի ուշ, եթե Թրամփը ցանկանա ավելի մեծ լծակներ ունենալ Մոսկվայի վրա։ Այնուամենայնիվ, ԱՄՆ նախագահը կարող է թույլ տալ Ուկրաինայի զինված ուժերին օգտագործել 18 ATACMS հրթիռներ իրենց 300 կմ ողջ հեռահարությամբ։

«Թրամփը որոշեց սրել իրավիճակը երեք պատճառով։ Նախ՝ նա կարծում էր, որ Ռուսաստանի նախագահ Վլադիմիր Պուտինը անհարգալից վերաբերմունք է ցուցաբերում՝ ձևացնելով, թե պատրաստ է խաղաղություն կնքել, բայց անտեսելով ԱՄՆ նախագահի հրադադարի կոչը։

Երկրորդ՝ նա տեսավ ԱՄՆ ռազմական ուժի արդյունավետությունը Իրանի դեմ B-2 ռմբակոծիչների և Tomahawk հրթիռների օգտագործման մեջ։

Եվ երրորդ, նա կարծում էր, որ Պուտինը կբանակցի միայն այն դեպքում, եթե իրեն սպառնան ավելի մեծ ուժով։

 «Ինչպես սիրում են ասել ռուսները, Թրամփը որոշեց սրել իրավիճակը՝ հետաագայում այն կայունացնելու համար»,-գրում է Իգնատիուսը։