Քաթարը Պենտագոնին ինքնաթիռ է նվիրել՝ առանց որևէ պայմանի․ CNN

Քաթարը Միացյալ Նահանգներին կնվիրաբերի Boeing 747-8՝ այն նախագահական Air Force One ինքնաթիռի վերածելու համար, հաղորդում է CNN-ը՝ հղում անելով երկու երկրների պաշտպանական գերատեսչությունների ղեկավարների կողմից ստորագրված հուշագրին։

Հուլիսի 7-ին ԱՄՆ պաշտպանության նախարար Փիթ Հեգսեթի և նրա քաթարցի գործընկեր Սաուդ բին Աբդուլռահման Ալ Թանիի կողմից ստորագրված փաստաթղթում ընդգծվում է գործարքի կամավոր բնույթը։ Տեքստում նշվում է, որ փոխանցումը կատարվում է «համագործակցության ոգով»՝ առանց կոռուպցիայի որևէ նշանի։

Ինքնաթիռի արդիականացման արժեքը, ըստ CNN-ի և ԱՄՆ ռազմաօդային ուժերի, կկազմի 400 միլիոն դոլարից պակաս։