ԵՄ-ն ռուսական նավթն ու գազը կփոխարինի ամերիկյան հեղուկացված բնական գազով. Ֆոն դեր Լեյեն

Եվրամիությունը լիովին կհրաժարվի ռուսական նավթից և գազից՝ հօգուտ Միացյալ Նահանգներից հեղուկացված բնական գազի (ՀԲԳ) և միջուկային վառելիքի՝ ամերիկյան մաքսատուրքերը նվազեցնելու նպատակով։ Այս մասին հայտարարել է Եվրահանձնաժողովի ղեկավար Ուրսուլա ֆոն դեր Լեյենը ԱՄՆ նախագահ Դոնալդ Թրամփի հետ հանդիպումից հետո։

Նա նշել է, որ Եվրամիության և Միացյալ Նահանգների միջև կնքված գործարքը ներառում է ամերիկյան ՀԲԳ-ի և միջուկային վառելիքի մեծ ծավալների գնում՝ Ռուսաստանից նավթի լիակատար հրաժարմամբ։

Ֆոն դեր Լեյենի խոսքով՝ ԵՄ պետությունները շարունակում են չափազանց մեծ ծավալների ռուսական գազ գնել, իսկ ռուսական նավթը շարունակում է ԵՄ մտնել «հետևի դռնով»։ Նա հավելել է, որ ԵՄ-ն այլևս չի ցանկանում ռուսական էներգետիկ ռեսուրսներ։