Իրանը դիմակայելու է ցանկացած ագրեսիայի․ Փեզեշքիան

Իրանը պատերազմի չի ձգտում, բայց հաստատակամորեն դիմակայելու է ցանկացած ագրեսիայի: Հայտարարել է Իրանի նախագահ Մասուդ Փեզեշքիանը, փոխանցում է Mehr-ը:

Փեզեշքիանը քննադատել է եվրոպական որոշ երկրների, որոնք խախտել են միջազգային օրենքները՝ Իրանին մեղադրելով պահանջներին չհամապատասխանելու մեջ: «Բնականաբար, մենք չենք ցանկանում, որ գործի դրվի «արագ արձագանքման» մեխանիզմը», - ասել է առաջնորդը: Իրանի նախագահը նաև մտահոգություն է հայտնել որոշ արտահայտությունների կապակցությամբ, որոնք խաթարում են երկրում միասնականությունն ու համախմբվածությունը:

Խոսելով հակամարտությունների վերաբերյալ Իսլամական Հանրապետության դիրքորոշման մասին՝ նա հաստատել է Իրանը պատերազմի չի ձգտում, բայց հաստատակամորեն դիմակայելու է ցանկացած ագրեսիայի: «Մենք երբեք չենք խուսափել հակամարտություններից, և մեր ժողովուրդը ցույց է տվել, որ պատերազմի ժամանակ ներքին համախմբվածությունը զգալիորեն ամրապնդվում է», - հավելել է Փեզեշքիանը: