Սյունիքում քաղաքացին հայտնել է՝ ոչխարներին գողացել են, տունը նռնակ գցել ու վիրավորել ոստիկաններին

SHAMSHYAN.com-ի տեղեկություններով սեպտեմբերի 4-ին, արտակարգ դեպք է տեղի ունեցել Սյունիքի մարզում։ Ժամը 00։40-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Սիսիանի բաժին է զանգահարել Սյունիքի մարզի բնակիչ 37-ամյա Լևոն Մ․-ն և հայտնել, որ իր 30 գլուխ ոչխարները գողացել են, իր տուն «նռնակ» են գցել և տվել վիրավորանքներ ոստիկանության ծառայողների հասցեին։

Ոստիկանության ծառայողներին առերևույթ վիրավորելու համար Լևոն Մ․-ին ոստիկանության Սիսիանի բաժին բերելու և վարչական իրավախախտման փաստը արձանագրելու համար Իշխանասարի հարակից հանդամաս է մեկնել ոստիկանության Սիսիանի բաժնի օպերատիվ խումբը՝ ավագ համայնքային ոստիկանի գլխավորությամբ։

Արդեն տեղում Լևոն Մ․-ն տեսնելով ոստիկաններին և գտնվելով ակնհայտ ոչ սթափ վիճակում, առանց որևէ պատճառ հայտնելու ձեռքին եղած խոհանոցային դանակով վագոն-տնակի մուտքի դռան աստիճանների վրա վնասել է ձախ նախաբազկի հատվածը՝ պատճառելով մարմնական վնասվածք, որից հետո ոստիկանության ծառայողների և Սյունիքի մարզի բնակիչ 37-ամյա Ոսկան Ա․-ի միջամտությամբ նրա ձեռքից վերցվել է դանակը և բուժօգնություն ցուցաբերելու համար անմիջապես տեղափոխվել է «Սիսիանի» բժշկական կենտրոն, որտեղ ախտորոշվել է ձախ նախաբազկի վերին, միջին երրորդականի կտրած վերքեր մկանի վնասումով։

Ավելին՝ սկզբնաղբյուրում։