Ալմաթիում մեկ բնակարանային համալիրում հայտնաբերվել է 22 բորդել

Կազախստանի դատախազությունը Ալմաթիում գտնվող «Մանհեթեն» բնակարանային համալիրում բացահայտել է լայնածավալ իրավախախտումներ։ Nur.kz-ի տվյալներով՝ համալիրում հայտնաբերվել է 22 գործող բորդել, ինչպես նաև մի շարք այլ հանցագործություններ։

Իրավապահ մարմինները երկու ամիս շարունակ իրականացրած ստուգումների ընթացքում հայտնաբերել են չգրանցված զենք, բռնել անօրինական միգրանտների, անօթևանների և հասարակական կարգի խախտողների։ Բացի այդ, հայտնաբերվել է յոթ խանութ, որոնք առանց թույլտվության վաճառել են ալկոհոլ։

Հիշեցնենք, որ օրեր առաջ Կազախստանում ձերբակալվել էին երկրի ԱԳՆ ղեկավար Մուրատ Նուրթլեուն և բիզնեսմեն Հաջի Հաջիևը, ինչը ևս մեկ անգամ ուշադրություն հրավիրեց երկրի իրավապահ համակարգի ակտիվ աշխատանքին։