Մերցը հայտարարել է, որ Եվրոպան դեռ թուլ է՝ ԱՄՆ-ի հետ մաքսային հարցերում հավասար բանակցելու համար

Գերմանիայի կանցլեր Ֆրիդրիխ Մերցը հայտարարել է, որ Եվրոպան դեռ բավարար ուժ չունի՝ ԱՄՆ-ի հետ մաքսային և առևտրային հարցերը ինքնուրույն լուծելու համար։ Մյունխենում կայացած միջազգային բեռնատարների ցուցահանդեսում նա ընդգծել է, որ ԵՄ-ն պետք է կառուցի հարաբերություններ Վաշինգտոնի հետ «առանց կեղծ նոստալգիայի» և ակտիվորեն որոնի նոր գործընկերներ աշխարհում՝ զուգահեռաբար ամրապնդելով ներկայիս կապերը։

Մերցի խոսքով՝ Եվրոպան ցանկանում է երկարաժամկետ խաղաղություն և կայունություն ապահովել ԱՄՆ-ի հետ առևտրային հակասությունների հարցում՝ հենվելով հուսալի պայմանագրերի վրա։ «Մենք դեռ այնքան ուժեղ չենք, որ ինքնուրույն որոշումներ ընդունենք Եվրոպայում և բանակցենք ԱՄՆ-ի հետ հավասար դիրքերից»,– նշել է նա։

Ամերիկյան վարչակազմը մի շարք երկրների համար սահմանել է 35 և ավելի տոկոս մաքսատուրքեր, իսկ Շվեյցարիայի համար դրանք հասնում են 39 տոկոսի։ Նախկինում ԵՄ-ն պարտավորվել էր ԱՄՆ-ից գնել էներգակիրներ $750 միլիարդի չափով և ներդնել $600 միլիարդ ամերիկյան տնտեսությունում, ինչը քննադատության ալիք էր բարձրացրել Եվրոպայում։