Պուգաչովան՝ Գալկինի «նույնասեռական» լինելու մասին․ «Հիմա ո՞վ համասեռամոլ չէ»

Ալլա Պուգաչովան խոսել է Մաքսիմ Գալկինի հետ իր ամուսնության մասին և մեկնաբանել նրա «նույնասեռական» լինելու մասին լուրերը։ Լրագրող Կատերինա Գորդեևայի հետ երկար հարցազրույցում պրիմադոննան խոստովանել է, որ իրական է համարում միայն Գալկինի հետ իր ամուսնությունը և իր առաջին՝ ավագ դստեր՝ երգչուհի Քրիստինա Օրբակայտեի հոր հետ ամուսնությունը։

«Սա է երջանկությունը։ Սա է իրական երջանկությունը։ Ես նույնիսկ չեմ կարողանում խոսել դրա մասին։ Նա (Գալկինը) զարմանալի տաղանդ ունի՝ սիրել ինձ, սիրել իր ընտանիքը և հոգ տանել իմ մասին։ Հասկանո՞ւմ եք։ Ես շատ ամուսնություններ եմ ունեցել», - ասել է 76-ամյա արտիստուհին։

Պուգաչովայի խոսքով՝ երբ հանդիպել է Գալկինին, սիրահարվել է։

«Ես սիրահարվեցի, և վերջ։ Ես հասկացա, որ սա է այն, ինչ ինձ պետք է։ Եվ նա հասկացավ։ Տարօրինակ էր, երբեմն ես նույնիսկ չեմ հասկանում, թե ինչպես դա տեղի ունեցավ՝ բացարձակ ներդաշնակություն», - ասել է նա։ 

Մեկնաբանելով Մաքսիմի համասեռամոլ լինելու մասին լուրերն ու մեղադրանքները՝ Պուգաչովան նշել է. «Կարող եք նույնիսկ կաթսա անվանել, միայն թե ջեռոցը մի՛ դրեք։ Ի՞նչ տարբերություն։ Սա նրանց սիրելի թեման է։ Հիմա ո՞վ համասեռամոլ չէ։ Պարզապես թվում է, թե բոլորը համասեռամոլ են։ Սա՛ է համասեռամոլ, նա՛ է համասեռամոլ, Աստված իմ։ Դա մեզ չի վերաբերում։ Թող ասեն այն, ինչ ուզում են։ Միայն թե մեզ մոտ ամեն ինչ լավ լինի»։