ՌԴ դեսպանը Նիդեռլանդներում սպառնացել է «անմիջական և համարժեք» պատասխան տալ նոր պատժամիջոցներին

Նիդեռլանդներում Ռուսաստանի դեսպան Վլադիմիր Տարաբերինը հայտարարել է, որ Մոսկվան պատրաստ է անմիջապես արձագանքել ցանկացած նոր սահմանափակման։ Նրա խոսքով՝ «փոխադարձության սկզբունքը դեռ ոչ ոք չի չեղարկել», իսկ Հաագայի կողմից նոր սանկցիաների քննարկումը դիտարկվում է որպես բացահայտ թշնամական քայլ։

Տարաբերինը նաև նշել է, որ Նիդեռլանդները չեն ներկայացրել որևէ ապացույց Ռուսաստանի մասնակցության մասին՝ կապված Լեհաստանի օդային տարածքում անօդաչուների միջադեպի հետ։ Նա ընդգծել է, որ Մոսկվան շահագրգռված չէ լարվածության սրացմամբ և պատրաստ է երկխոսության Վարշավայի հետ։

Ավելի վաղ Նիդեռլանդների ԱԳ նախարար Դավիդ վան Վիլը հանդես էր եկել Ռուսաստանի դեմ նոր և խստացված սանկցիաների կոչով՝ Լեհաստանում գրանցված անօդաչուների միջադեպից հետո։