Եվրահանձնակատարը կոչ է արել «X օրվա» համար Ուկրաինային ինտեգրել ԵՄ պաշտպանության մեջ

Պաշտպանության հարցերով եվրահանձնակատար Անդրիուս Կուբիլիուսը հայտարարել է, որ «մեծ սխալ» կլինի Ուկրաինային չներգրավել ԵՄ անվտանգության ճարտարապետության մեջ։ Նա այս մասին ասել է Kyiv Independent-ին տված հարցազրույցում։

«Եթե իսկապես պատահի, որ մենք հասնենք, այսպես կոչված, X օրվան, և Ռուսաստանի նախագահ Պուտինը ագրեսիա սկսի մեր դեմ, մենք պետք է հասկանանք, որ Պուտինը կգա մարտական ​​փորձություն անցած բանակով, որը շատ ավելի ուժեղ կլինի, քան 2022 թվականին, և ունակ կլինի օգտագործել միլիոնավոր անօդաչու թռչող սարքեր», - ասել է Կուբիլիուսը։

«Եվրոպական մայրցամաքում կա միայն մեկ բանակ, որն ունի նույն հնարավորությունները։ Մենք խոսում ենք Ուկրաինայի զինված ուժերի մասին», -պարզաբանել է նա։

«Մեր կողմից մեծ սխալ կլինի չգտնել լավագույն միջոցը ուկրաինական հնարավորությունները, ուկրաինական ուժերը և ուկրաինական պաշտպանական արդյունաբերությունը որքան հնարավոր է արագ ինտեգրելու որևէ նոր պաշտպանական ճարտարապետության մեջ», - ասել է եվրահանձնակատարը։