Զախարովան խոստացել է պատասխանել Ճապոնիայի նոր սանկցիաներին

ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Մոսկվան չի թողնի առանց պատասխան քայլերի Ճապոնիայի կողմից Ռուսաստանի դեմ սահմանված նոր սահմանափակումները։ Նրա խոսքով՝ պատասխանը կլինի հավասարակշռված, սակայն անհրաժեշտության դեպքում նաև ասիմետրիկ բնույթի։ «Ճապոնիայի հերթական ոչ բարեկամական գործողությունները պատասխան կստանան։ Մենք կշարունակենք ձեռնարկել համապատասխան քայլեր՝ մեր ազգային շահերից ելնելով», — ընդգծել է դիվանագետը։

Զախարովան հավելել է, որ ճապոնական իշխանությունները, խրված սեփական ներքին խնդիրներում, փորձում են համոզել իրենց քաղաքացիներին, թե վերահսկում են իրավիճակը, և դրա համար «խաղարկում են ռուսական քարտը»։

Հիշեցնենք, որ սեպտեմբերի 18-ին Տոկիոն հայտարարեց Ռուսաստանի դեմ նոր պատժամիջոցների մասին, որոնք տարածվում են 52 կազմակերպությունների և 10 քաղաքացիների վրա։ Սանկցիաների ցանկում են, մասնավորապես, «Արտեկ» մանկական ճամբարը, Ախմատ-Խաջի Կադիրովի հիմնադրամը և նրա նախագահ Այմանի Կադիրովան, «Առաջինների շարժումը», ինչպես նաև մի շարք ռուսական արդյունաբերական ընկերություններ։