Ռուսաստանի և Հայաստանի հարաբերությունները կառուցված են հավասարության հիման վրա.Զախարովա

ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Մոսկվայի և Երևանի հարաբերությունները հիմնված են ինքնիշխան հավասարության սկզբունքի վրա։ «Մենք վերաբերվում ենք ռուս-հայկական հարաբերություններին հենց այս դիրքորոշմամբ», — ընդգծել է դիվանագետը։

Նրա խոսքով՝ Հայաստանի տեղեկատվական դաշտում երբեմն հնչում են կարծիքներ, թե Ռուսաստանը Հանրապետությանը վերաբերում է որպես «գրեթե փոխանակման արժույթ»։ Զախարովան այդ պնդումները կտրականապես հերքել է՝ ընդգծելով, որ որևէ ռուս պաշտոնյա երբեք նման ձևակերպում չի օգտագործել։

Զախարովան հավելել է, որ Մոսկվան կարևորում է Հայաստանի հետ կառուցողական հարաբերությունները և հանդես է գալիս հավասար ու փոխադարձ հարգանքի հիման վրա համագործակցության օգտին, գրում է Лента.ру-ն։