ABC-ն դադարեցրել է «Jimmy Kimmel Live»-ը Կիրկի սպանության մասին հայտարարություններից հետո

Disney-ին պատկանող ABC հեռուստաալիքը հայտարարեց, որ ժամանակավորապես հանում է եթերից «Jimmy Kimmel Live»-ը՝ հաղորդավարը Չարլի Կիրկի սպանության վերաբերյալ հնչեցրած խոսքերի պատճառով։ Վերջինիս մենախոսությունը բորբոքեց քաղաքական սկանդալ․ ԱՄՆ Հեռահաղորդակցության դաշնային հանձնաժողովի ղեկավար Բրենդան Քարը սպառնաց, որ կարող է հետաքննություն սկսել և նույնիսկ տուգանել կամ լիցենզիայից զրկել հեռարձակողներին։

Քիմելը, որը բազմիցս ծաղրել է Դոնալդ Թրամփին իր շոուում, քննադատել էր հանրապետական շրջանակների փորձերը Կիրկի սպանությունը ներկայացնել քաղաքական շահի տեսանկյունից։ Նրա խոսքերից հետո մի շարք խոշոր մեդիա խմբեր՝ ներառյալ Nexstar-ը և Sinclair-ը, հրաժարվեցին եթեր տալ շոուն։ ABC-ն էլ հայտարարեց, որ ծրագիրը «անորոշ ժամկետով» կհանվի եթերից։

Թրամփը ուրախությամբ ողջունեց այս որոշումը՝ կոչ անելով NBC-ին ազատել նաև Ջիմի Ֆելոնին ու Սեթ Մայերսին։ Իսկ դեմոկրատ կոնգրեսականները քայլը որակեցին որպես գրաքննություն։ «Սա խոսքի ազատության սահմանափակում է», — նշել է սենատոր Էդ Մարկին։ Միևնույն ժամանակ, մամուլում արդեն արձանագրվել են ազատումներ և պատժամիջոցներ այլ լրագրողների ու վերլուծաբանների նկատմամբ՝ Կիրկի մասին քննադատական արտահայտությունների համար։