«Նրան հասցրել են այդ իրավիճակին, որ ստիպված է եղել գնալ նման քայլի»․ Շահրամանյանը՝ Կարեն Ավանեսյանի ձերբակալության մասին
Քաղաքական
Արցախի նախկին նախագահ Սամվել Շահրամանյանը Եռաբլուրում լրագրողների հետ զրույցում, անդրադառնալով օրեր առաջ օկուպացված Ստեփանակերտում Կարեն Ավանեսյան անունով հայազգի բնակչի ձերբակալությանը, հաստատեց՝ «նման անձնավորություն գոյություն ունի»։
«Նա մի քանի տասնյակ մեր այլ հարենակիցների հետ որոշում էր կայացրել մնալ Արցախում»,– հավելեց Շահրամանյանը։
Նա նշեց, որ դեպքից հստակ տեղեկություններ չունի, սակայն եթե նման բան տեղի է ունեցել, ուրեմն նրան հասցրել են այդ իրավիճակին, որ ստիպված է եղել գնալ այդ քայլին։
Հիշեցնենք՝ ադրբեջանական APA-ն, հղում անելով այդ երկրի Ներքին գործերի նախարարությանը, հաղորդել էր, որ Ստեփանակերտում Կարեն Ավանեսյան անունով հայազգի բնակիչ է ձերբակալվել:
Ըստ գերատեսչության՝ Ավանեսյանին ոստիկանության աշխատակիցները ձերբակալ են, երբ «ինքնաձիգով փորձել է մոտենալ Ստեփանակերտում անցկացվող միջոցառման վայրին»:
Ադրբեջանական լրատվամիջոցների փոխանցմամբ՝ «ձերբակալության պահին Ավանեսյանը զինված դիմադրություն է ցույց տվել: Պատասխան կրակի հետևանքով՝ Ավանեսյանը հրազենային վնասվածք է ստացել և ձերբակալվել»:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
