Թրամփին «նվեր» առաջարկած ռուս կինը պատասխանատվության է ենթարկվել

Սուրգուտում մի կին հայտնվեց իրավապահների ուշադրության կենտրոնում, երբ սոցիալական ցանցում մեկնաբանեց Դոնալդ Թրամփի՝ Գրյենլանդիան գնելու ցանկության մասին լուրը։ Նա գրել էր․ «Թրամփ, ավելի լավ է վերցրու Ուրալի դաշնային շրջանը, մենք էլ քեզ կավելացնենք գումար»։

Կնոջ խոսքերը գնահատվեցին որպես երկրի տարածքային ամբողջականությունը խախտելու կոչ։ Դրա արդյունքում նրա նկատմամբ կիրառվեց վարչական պատասխանատվություն։

Նման դեպքեր Ռուսաստանում արդեն եղել են․ վերջերս էլ Կրասնոյարսկի շրջանում մեկ այլ կին տուգանվել էր պայմանագրային ծառայությունը գովազդող պաստառը պոկելու և ճանապարհին ցրելու համար, հայտնում է Лента.ру-ն։