Հնդկաստանում 19 մարդ է մահացել «ուղեղ ուտող» ամեոբայից

Հնդկաստանում աճել է առաջնային ամեոբիկ մենինգոէնցեֆալիտի (PAME) դեպքերը, որը հազվագյուտ հիվանդություն է, որն առաջանում է Naegleria fowleri ամեոբայից, որին հաճախ անվանում են նաև «ուղեղ ուտող»։

Այս մասին հայտարարել է Կերալայի առողջապահության նախարար Վինա Ջորջը, հաղորդում է NDTV-ը։ 2025 թվականին նահանգում գրանցվել է Naegleria fowleri մակաբույծից առաջացած ամեոբիկ մենինգոէնցեֆալիտի 61 դեպք, մահացել է 19 մարդ։

Նշվում է, որ 2024 թվականին բռնկումները տեղի են ունեցել միայն առանձին շրջաններում, այս տարի դրանք տարածվել են ամբողջ նահանգում։