Ռուսաստանը պտղաբեր է համարում հումանիտար շփումները Ուկրաինայի հետ

Ռուսաստանի Դաշնության խորհրդի միջազգային գործերի կոմիտեի նախագահ, սենատոր Գրիգորի Կարասինը Лента.ру-ի հետ զրույցում նշել է, որ Մոսկվայի և Կիևի շփումները հումանիտար ոլորտում տալիս են իրական արդյունքներ։ Նրա խոսքով՝ իրականացվում է զոհվածների մարմինների փոխանակում, ինչպես նաև գերիների փոխանակման գործընթաց։

Կարասինը ընդգծել է, որ այս աշխատանքը շարունակվելու է։ Նախօրեին էլ Ուկրաինայի Անվտանգության և պաշտպանության խորհրդի քարտուղար Ռուստեմ Ումերովը հայտնել էր, որ Կիևը շարունակում է բանակցությունները Մոսկվայի հետ հենց հումանիտար գծով։

Սեպտեմբերի 18-ին Ռուսաստանը և Ուկրաինան նոր փոխանակում էին իրականացրել․ Մոսկվան Կիևին էր փոխանցել 1000 մարմին, իսկ փոխարենը վերադարձրել էին 24 ռուս զինծառայողի մարմին։