Հույս ունենք, որ Թուրքիան կպատասխանի մեր պատրաստակամությանը․ Ռուբինյան

Վաշինգտոնի հռչակագիրը կարևորում է հաղորդակցությունների բացման անհրաժեշտությունը՝ հանուն խաղաղության կայունության և բարօրության։ Այս գործընթացում առանձնահատուկ տեղ ունի միջազգային խաղաղության և բարեկեցության «Թրամփի ուղի» հայ-ամերիկյան նախագիծը, որը կիրականացվի ՀՀ տարածքում։ Սույն նախաձեռնությունը ենթակառուցվածքային ծրագրից շատ ավելին է՝ այն վստահության և համագործակցության կամուրջ է, որի իրագործումը շոշափելի արդյունքներ կտա ողջ տարածաշրջանում։ Այս մասին «Հայաստանն ու Հարավային Կովկասը փոփոխվող աշխարհում․ ամրապնդելով ժողովրդավարությունն ու տարածաշրջանային անվտանգությունը» թեմայով ՆԱՏՕ-ի խորհրդարանական վեհաժողովի 108-րդ Ռոուզ-Ռոթ սեմինարի բացման խոսքում ասել է ԱԺ փոխխոսնակ Ռուբեն Ռուբինյանը։