Ես կցանկանայի հատուկ արձանագրել երեխայի նկատմամբ սեռшկան բռնությшն տարբեր դրսևորումները. Անահիտ Մանասյան

«Ցանկանում եմ հատուկ արձանագրել երեխայի նկատմամբ բռնության կանխարգելման դեպքերին պատշարճ արձագանքման կառուցակարգերի առկայությանը կարևորության մասին։»,- ԱԺ մարդու իրավունքների պաշտպանության և հանրային հարցերի մշտական հանձնաժողովի նախաձեռնած «Երեխայի իրավունքների պաշտպանության բնագավառում շրջանառվող օրենսդրական նախագծերի էությունը: Երեխաների իրավունքների պաշտպանության պետական վերաբերելի քաղաքականությունը» թեմայով խորհրդարանական լսումների ժամանակ ասաց ՀՀ ՄԻՊ Անահիտ Մանասյանը։

Նա հայտարարեց, թե թյուր պատկերացում կա, թե մեր հասարակության մեջ երեխաների բռնության դեպքերը քիչ են, հետևաբար դրանց արձագանքելու կառուցակարգեր էլ պետք չեն։

«Իրականում բազմնաթիվ են երեխաների նկատմամբ բռնության դեպքերը, թե ընտանիքի ներսում, թե՛ընտանիքից դուրս և ոչ միան տարբեր հաստատություններում»,- ասաց Մանասյանը՝ նշելով, որ խոսքը միայն ֆիզիկական բռնության մասին չէ, այլ նաև մյուս տեսակների։

ՄԻՊ-ի խոսքով՝ երեխաների դեմ բռնության ձևերի ճանաչման խնդիր կա պետական մարմիններում և մասնագիտական համայնքներում։

«Ես կցանկանայի հատուկ արձանագրել երեխայի նկատմամբ սեռական բռնության տարբեր դրսևորումները, որոնք, այդ թվում, առակ են մեր հասարակական միջավայրում»,-նշեց Մանասյանը և հավելեց. «Ցավալի մի փաստ, որ այդպիսի դրսևորումների պարագայում, կա՛մ ճանաչելի չեն այդ բռնության ձևերը, կամ ճանաչելի լինելու պարագայում շատերը նույնիսկ չեն էլ բարձրաձայնում դրա մասին, որպես խարան ընկալելով և սրանք մնում են առկա խնդիրներ, որոնք լուծում չեն ստանուն»։

Նա նաև կարևորեց դրա մասին խոսել։