Թուրքիան Հայաստանը կկապի ամբողջ Եվրոպայի հետ.Հայաստանը կարող է դառնալ տարանցիկ կետ էներգետիկ ոլորտում, օրինակ՝ գազի մատակարարման համար. թուրք պատգամավոր
Քաղաքական
Հայաստանը և Թուրքիան ունեն փոխլրացնող հնարավորություններ տարբեր ոլորտներում, և այդ ներուժի օգտագործումը կարող է նպաստել երկու երկրների և ողջ տարածաշրջանի զարգացմանը։
Երևանում անցկացվող ՆԱՏՕ ԽՎ 108-րդ Ռոուզ-Ռոթ սեմինարի շրջանակում կայացած ճեպազրույցում այս մասին ասաց ՆԱՏՕ ԽՎ ենթահանձնաժողովի նախագահ, Թուրքիայի խորհրդարանի պատգամավոր Ֆաթմա Աքսալին։
«Հայաստանը որոշ ոլորտներում ունի առավելություններ, Թուրքիան՝ այլ։ Առևտրից շահում են բոլորը։ Մենք հարևաններ ենք և պատմական կապեր ունենք։ Թուրքիայում ապրում են Հայաստանի քաղաքացիներ, և մենք նրանց հետ լավ հարաբերություններ ունենք։ Ես հավատում եմ, որ երկու երկրները, Հարավային Կովկասի ողջ տարածաշրջանը միայն կշահեն խաղաղությունից»,– ասաց Աքսալին։
Նա շեշտեց նաև Թուրքիայի դերը՝ որպես խաչմերուկ Արևելքի և Արևմուտքի միջև։
«Թուրքիան Հայաստանը կկապի ամբողջ Եվրոպայի հետ։ Հայաստանը ցանկանում է անդամակցել Եվրոպական միությանը։ Մենք ԵՄ անդամ չենք, բայց մենք խաչմերուկ ենք Հայաստանի և Եվրոպայի միջև, և դա կարող է մեծապես օգնել։ Բացի այդ, Հայաստանը կարող է դառնալ տարանցիկ կետ էներգետիկ ոլորտում, օրինակ՝ գազի մատակարարման համար»,- նշեց նա։
ՈՒՂԻՂ ԵԹԵՐ
Ամենադիտված 
Լքված նորածնի ծնողները հայտնաբերվե՞լ են․ ինչ է հայտնում ՔԿ-ն
