Բաքվի համար կարևոր է, որ Անկախության հռչակագրում առկա տարածքային պահանջները վերացվեն․ ադրբեջանցի պատվիրակ

ՀՀ Անկախության հռչակագիրը որոշակի տարածքային պահանջներ է պարունակում Ադրբեջանի նկատմամբ, կարծում եմ՝ Բաքվի համար կարևոր է, որ այս պահանջները վերացվեն։ Այս մասին Երևանում մամուլի ասուլիսի ժամանակ հայտարարեց ադրբեջանցի պատվիրակ Մուրադ Մուրադովը՝ նշելով, որ դա կարող է խոչընդոտ դառնալ խաղաղության համաձայնագրի ստորագրման համար։

Դիտարկմանը, որ Ադրբեջանի սահմանադրությունն էլ է պարունակում տարածքային պահանջներ Հայաստանի նկատմամբ, նա նշեց, թե, իբր, նման բան չկա․ «Մեր սահմանադրությունը հռչակում է Ադրբեջանը որպես Ադրբեջանի դեմոկրատական հանրապետության իրավահաջորդ։ Այն տարածքային պահանջներ չի պարունակում»,– ասաց Մուրադովը։

Ադրբեջանցի պատվիրակի խոսքով՝ «Արևմտյան Ադրբեջանը» ընդամենը հասարակական կազմակերպություն է, որը «սպասարկում է ժողովրդի շահերն ու մշակույթային ժառանգության պահպանմանը վերաբերող կոնցեպտ է դա»։