ՀՎԿԱԿ-ի մասնագետները մշակում են Երևանի աղմուկի քարտեզ
Հասարակություն
Հիվանդությունների վերահսկման և կանխարգելման ազգային կենտրոնի նախաձեռնությամբ իրականացվում է Երևան քաղաքի աղմուկի քարտեզի մշակում։ Աղմուկը 21-րդ դարի մարտահրավերներից է։ Այն համարվում է շրջակա միջավայրի վնասակար աղտոտման կարևորագույն գործոններից մեկը։
«Աղմուկը ոչ միայն լսողական համակարգի է վրա ազդում, այլև նյարդային, սիրտանոթային»,-ասում է Հիվանդությունների վերահսկման և կանխարգելման ազգային կենտրոնի Հիգիենայի բաժնի պետ Ռուբեն Գրիգորյանը։
Նա ընդգծում է՝ պատահական չէ, որ տարբեր երկրներում մշակվել ու գործում են աղմուկի սահմանչափեր, որոնց գերազանցումը ռիսկի գործոն է ու հնարավոր է բացասական ազդեցություն ունենալ առողջության վրա։
Աղմուկի քարտեզնն աշխարհում հիմա շատ ընդունված մեթոդիկա է, բոլոր խոշոր քաղաքները ձգտում են ունենալ իրենց աղմուկի քարտեզը, որը հետագայում թույլ կտա օգտագործել այն պլանավորման նպատակով։
ՀՎԿԱԿ-ում համարում են, որ այս նախաձեռնությունը Երևանում անհրաժեշտություն է, քանի որ այստեղ բնակչությունն ավելացել է, երթևեկությունն ավելի ծանրաբեռնված է դարձել։
Քարտեզի մշակումը, կազմումը բավականին աշխատատար է, կենտրոնի մասնագետների հաշվարկով այն պատրաստ կլինի 2027-ի վերջին։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
