ԵՄ-ում առաջարկում են բարձրացնել մաքսատուրքերն ռուսական նավթի ներկրման համար

Եվրահանձնաժողովի նախագահ Ուրսուլա ֆոն դեր Լայենը առաջարկել է բարձրացնել մաքսատուրքերն ռուսական նավթի ներկրման համար։ Այս մասին հայտարարել է ԵԿ ներկայացուցիչ Օլոֆ Ժիլը, հաղորդում է РИА Новости-ն։

Ժիլի խոսքով՝ առաջարկվող միջոցները չեն ներառվի ԵՄ-ի 19-րդ պատժամիջոցային փաթեթում, քանի որ վերաբերում են առևտրին։ Դրանք կարող են ընդունվել պարզ մեծամասնությամբ։ «Մենք վաղուց որոշել ենք հրաժարվել ռուսական էներգակիրներից, բայց հիմա ուզում ենք ավելի առաջ գնալ։ Մասնավորապես՝ ԵԿ նախագահը առաջարկել է բարձրացնել մաքսատուրքերն ռուսական նավթի ներկրման համար։ Առաջարկը կներկայացվի համապատասխան ժամկետում», — նշել է նա։

Ֆոն դեր Լայենն ու ԵՄ էներգետիկայի հարցերով հանձնակատար Դեն Յորգենսենը կոչ են անում ավելի արագ դադարեցնել ռուսական էներգառեսուրսների հիմնական տեսակների ներկրումը։ Նրանց համոզմամբ՝ այդ եկամուտներն ապահովում են Մոսկվայի հնարավորությունը շարունակել պատերազմական գործողությունները Ուկրաինայում։ ԵՄ-ում արդեն քննարկվում է մինչև 2026 թվականը լիովին հրաժարվել Ռուսաստանի հեղուկացված բնական գազի ներկրումից։