Հոկտեմբերի 11-ին Սուրբ Սարգիս եկեղեցում կկատարվի անվանակոչության օրհնության կարգ

Հոկտեմբերի 11-ին՝ շաբաթ օրը՝ ժամը 10:00-ին, սիրով սպասում ենք Մեսրոպ, Եղիշե, Մովսես, Դավիթ, Գրիգոր, Նարեկ, Ներսես, Վառվառա անունները կամ ազգանունները կրողներին։

Արարատյան Հայրապետական թեմի առաջնորդանիստ Սուրբ Սարգիս եկեղեցում կկատարվի օրհնության կարգ՝ տվյալ շաբաթվա տոնացույցում նշված սրբերի անունները կրող անձանց համար։

Ամեն շաբաթ օր՝ ժամը 10:00-ին, թեմի առաջնորդական փոխանորդ Գերաշնորհ Տեր Նավասարդ արքեպիսկոպոս Կճոյանի օրհնությամբ առաջնորդանիստ Ս․ Սարգիս եկեղեցում կատարվում է օրհնության կարգը՝ նպատակ ունենալով վերականգնել անվանակոչության տոնը նշելու գեղեցիկ ավանդույթը։

Հոկտեմբերի 6-ից 12-ի տոնացույցը․

Հոկտեմբերի 6-ին – Ս. Փոկաս հայրապետի և առաքյալներին հետևող Երանոսի հիշատակության օր

Հոկտեմբերի 7-ին – Թեկղի, Վառվառա և Պեղագեա սուրբ կույսերի հիշատակության օր

Հոկտեմբերի 9-ին – Պանդալեոն բժշկի, Երմողեա քահանայի և Եվպրաքսիա կույսի հիշատակության օր

Հոկտեմբերի 11-ին – Ս. Թարգմանիչ վարդապետների` Մեսրոպի, Եղիշեի, Մովսես Քերթողի, Դավիթ Անհաղթ փիլիսոփայի, Գրիգոր Նարեկացու և Ներսես Կլայեցու տոն

Հոկտեմբերի 11-ին՝ շաբաթ օրը՝ ժամը 10։00-ին, սպասում ենք ձեզ։