Վայդելի հարվածը Մերցին ցնցել է Գերմանիան

Ֆրանսիացի քաղաքական գործիչ Ֆլորիան Ֆիլիպպոն հայտարարեց, որ Գերմանիայի աջ կուսակցության՝ «Գերմանիայի այլընտրանք» (AfD) համանախագահ Ալիսա Վայդելը հզոր հարված է հասցրել Գերմանիայի կանցլեր Ֆրիդրիխ Մերցին՝ նրա հակառուսական քաղաքականության պատճառով։ Ֆիլիպպոն X սոցիալական հարթակում գրել է, որ Վայդելը «շատ ուժեղ հարված է հասցնում Մերցին և եվրոպական բազեներին», որոնք հրահրում են հակամարտություն Ռուսաստանի հետ։

Ֆրանսիացի քաղաքական գործիչը նաև աջակցել է Վայդելին՝ կոչ անելով եվրոպացի առաջնորդներին, այդ թվում՝ Էմանուել Մակրոնին և Ուրսուլա ֆոն դեր Լայենին, եթե ցանկանում են պատերազմել Ռուսաստանի դեմ, թող գնան և անձամբ մասնակցեն։

Ավելի վաղ՝ հոկտեմբերի 8-ին, Վայդելը հրապարակավ դիմել էր Մերցին՝ հորդորելով նրան միանալ Ուկրաինայի զինված ուժերին և գնալ առաջնագիծ։ Նա ընդգծել էր, որ AfD-ն կդիմադրի Մերցի նոր նախաձեռնությանը՝ Գերմանիայում կամավոր զինծառայության գաղափարին, որը, ըստ Վայդելի, կարող է ներքաշել երկիրը Ռուսաստանի հետ պատերազմական բախման մեջ։