Ստոլտենբերգը բացահայտել է Պուտինի և Լավրովի հետ իր հանդիպումների մանրամասները

ՆԱՏՕ-ի նախկին գլխավոր քարտուղար Յենս Ստոլտենբերգը իր նոր մեմուարներում՝ «Իմ հերթապահության ժամանակ. ինչպես ես ղեկավարեցի ՆԱՏՕ-ն պատերազմի ընթացքում» գրքում, պատմում է Ռուսաստանի նախագահ Վլադիմիր Պուտինի և արտաքին գործերի նախարար Սերգեյ Լավրովի հետ ունեցած իր հանդիպումների և տպավորությունների մասին։

Նա հիշում է իր առաջին այցը Մոսկվա՝ 2001 թվականին, երբ դեռ Նորվեգիայի վարչապետն էր։ Այդ ժամանակ Պուտինն ու Ստոլտենբերգը, ըստ նրա, համակարծիք էին, որ Ռուսաստանի և Նորվեգիայի հարաբերությունները պետք է զարգանան համագործակցության ուղությամբ։ Ավելի ուշ հանդիպումներից հետո նա Պուտինին նկարագրում է որպես նպատակասլաց և խորամիտ առաջնորդ, որը միշտ պատրաստված էր բանակցություններին և մանրուքների նկատմամբ ուշադիր։

Ստոլտենբերգը նաև հիշել է Սերգեյ Լավրովի հետ հանդիպումը 2015 թվականի Մյունխենի համաժողովում՝ նրան բնորոշելով որպես «էլեգանտ, բայց կտրուկ բնավորությամբ դիվանագետ»։ Գրքում նա չի շրջանցել նաև ԱՄՆ նախկին նախագահ Ջո Բայդենի խոսքերը՝ պատմելով, որ վերջինս փակ հանդիպման ժամանակ Վլադիմիր Զելենսկուն անվանել է «անհանգստացնող գործոն»՝ Ուկրաինայի կոշտ դիրքորոշման պատճառով։