Ռուսաստանը ողջունել է ՖԻՖԱ-ի որոշումը՝ չզրկել Իսրայելին միջազգային մասնակցությունից

Ռուսաստանի ֆուտբոլային միության (ՌՖՄ) գլխավոր քարտուղար Մաքսիմ Միտրոֆանովը մեկնաբանել է ՖԻՖԱ-ի որոշումը՝ չզրկել Իսրայելի հավաքականներին և ակումբներին միջազգային մրցաշարերից։ «Սպորտը պետք է մնա քաղաքականությունից դուրս», — նշել է Միտրոֆանովը՝ իր խոսքերը մեջբերում է «Матч ТВ»-ն։

Նրա խոսքով՝ եթե ՖԻՖԱ-ն հետևողական է այդ սկզբունքին, ապա հաջորդ տրամաբանական քայլը պետք է լինի Ռուսաստանի թիմերի վերադարձը միջազգային մրցաշարեր։ Միտրոֆանովը ընդգծել է, որ ՖԻՖԱ-ի կայացրած դիրքորոշումը կարևոր է՝ պահպանելու համար սպորտի համաշխարհային հավասարակշռությունը։

Ավելի վաղ հայտնի էր դարձել, որ ՖԻՖԱ-ի խորհրդի վիրտուալ նիստում Իսրայելի հնարավոր հեռացման հարցը օրակարգ չի ընդգրկվել, չնայած մի շարք եվրոպական ֆեդերացիաների՝ մասնավորապես Թուրքիայի և Նորվեգիայի կոչերին։ Ռուսական թիմերը շարունակում են մնալ միջազգային մրցաշարերից դուրս՝ 2022 թվականից ուժի մեջ մտած ՖԻՖԱ-ի և ՈւԵՖԱ-ի պատժամիջոցների պատճառով։