Ինչու ՀԱՄԱՍ-ը վստահեց Թրամփին և համաձայնեց ազատել պատանդներին առանց երաշխիքների

Պաղեստինյան ՀԱՄԱՍ շարժումը, որը դեռ վերջերս Դոնալդ Թրամփին մեղադրում էր ռասիզմի և քաոսի սերմանման մեջ, անսպասելիորեն որոշեց վստահել նրան՝ համաձայնելով ազատել բոլոր պատանդներին առանց Իսրայելի լիարժեք դուրսբերման պայմանավորվածության։ Reuters-ի աղբյուրների տեղեկացմամբ՝ այդ որոշման պատճառ դարձավ Թրամփի անձնական միջամտությունը և նրա ազդեցիկ դերը Գազայի պատերազմի դադարեցման բանակցություններում։

Բանակցությունների ընթացքում Թրամփը երեք անգամ անձամբ է կապվել մասնակիցների հետ, իսկ նրա թիմակիցներ Ջարեդ Քուշներն ու Սթիվ Վիթքոֆը միջնորդել են Իսրայելի և Քաթարի միջև ընթացող շփումներում։ Քաթարում տեղի ունեցած իսրայելական հարձակման շուրջ ստեղծված ճգնաժամի ժամանակ Թրամփի հրապարակային ներողությունը Քաթարի վարչապետից, ըստ պաղեստինյան կողմի, ցույց է տվել, որ նա կարող է զսպել Նեթանյահուին և իսկապես ձգտում է ավարտել պատերազմը։

Չնայած դրան՝ ՀԱՄԱՍ-ը չի ստացել ոչ մի գրավոր երաշխիք, որ Իսրայելը չի վերսկսի ռազմական գործողությունները պատանդների ազատումից հետո։ Գործարքը հիմնված է միայն բանավոր պայմանավորվածությունների վրա՝ ԱՄՆ-ի, Եգիպտոսի, Քաթարի և Թուրքիայի մասնակցությամբ։ Շարժման ղեկավարներն ընդունում են, որ այս քայլը ռիսկային է և կարող է չարդարանալ, սակայն նրանք վստահ են, որ Թրամփի ուղիղ ներգրավվածությունն ու տարածաշրջանային ճնշումը կարող են վերջապես դնել Գազայի երկարատև պատերազմի ավարտին։