Բայրամովը հայտարարել է «ՀՀ Սահմանադրությունում Ադրբեջանի նկատմամբ տարածքային պահանջների» վերացման անհրաժեշտության մասին

Ադրբեջանի արտաքին գործերի նախարար Ջեյհուն Բայրամովը հանդիպել է Ֆինլանդիայի արտաքին գործերի նախարար, ԵԱՀԿ գործող նախագահ Էլինա Վալտոնենի հետ։

Ադրբեջանական ԶԼՄ–ների հաղորդմամբ՝ հանդիպմանը Բայրամովը նշել է, որ Ֆինլանդիայի նախագահությունը տեղի է ունենում այն ​​ժամանակ, երբ Եվրոպայում անվտանգությունը լուրջ մարտահրավերների առջև է կանգնած։ Այս պայմաններում ընդգծվել է ԵԱՀԿ-ի կարևորությունը որպես բազմակողմ հարթակ, որը ճկուն կերպով հարմարվում է նոր իրողություններին՝ պահպանելով իր արդիականությունն ու ֆունկցիոնալությունը։

Նախարարը նաև իր ֆինն գործընկերոջը ներկայացրել է տարածաշրջանում ստեղծված իրավիճակը։

Հանդիպման ժամանակ քննարկվել է Ադրբեջանի և Հայաստանի միջև խաղաղության գործընթացը։ Ջեյհուն Բայրամովը ընդգծել է Ադրբեջանի, ԱՄՆ-ի և Հայաստանի առաջնորդների՝ Վաշինգտոնում 2025 թվականի օգոստոսի 8-ին կայացած պատմական հանդիպման և ստորագրված համատեղ հռչակագրի կարևորությունը: Նա վերահաստատել է խաղաղության համաձայնագրի ստորագրման և «Հայաստանի Սահմանադրության մեջ Ադրբեջանի նկատմամբ տարածքային պահանջների» լուծման ուղղությամբ հետագա քայլերի անհրաժեշտությունը։

Ընդգծվել է TRIPP նախագծի կարևորությունը տարածաշրջանում տրանսպորտային և տնտեսական կապերի վերականգնման առումով։