Բժիշկը կանխատեսել է՝ Ուսպենսկայայի վերականգնումը կարող է տևել մինչև երեք ամիս

Ռուս երգչուհի Լյուբով Ուսպենսկայայի ձեռքի վիրահատությունից հետո վերականգնման գործընթացը կարող է տևել մինչև երեք ամիս, հայտնել է վերականգնողական կլինիկայի գլխավոր բժիշկ Սերգեյ Դլինը, գրում է Пятый канал-ը։

Բժշկի խոսքով՝ ճիշտ և համակարգված ռեաբիլիտացիայի դեպքում վերականգնումը սովորաբար ընթանում է հաջող և առանց բարդությունների։ Դլինը հավելել է, որ եթե բուժմանը զուգահեռ իրականացվի սպիտակուցային սննդակարգի պահպանում և ճիշտ սննդային հավելումների ընդունում, ապաքինման գործընթացը կարող է նկատելիորեն արագանալ։

Ուսպենսկայան պատմել է, որ չի դադարեցնում աշխատանքը նույնիսկ այս ընթացքում․ «Ես երեկ էլ էի աշխատում, նախօրեին էլ… Երբ երկար ժամանակ չեմ երգում, ինձ թվում է, թե դառնում եմ անօգուտ և անհետաքրքիր», — ասել է նա։ Ավելի վաղ երգչուհին կոտրել էր ձեռքը, ինչի պատճառով չեղարկվել էր նրա համերգը Եկատերինբուրգում։ Նրա տնօրենը վստահեցրել է, որ բոլոր նախատեսված համերգները կկայանան։