Մեղավորներ փնտրելու փոխարեն մենք աշխատում ենք ուղղել սխալները․ Հենրի Ավագյան

Հայաստանի ազգային հավաքականի դարպասապահ Հենրի Ավագյանը սոցցանցերում գրառում է արել, անդրադառնալով հավաքականի վերջին մրցելույթներին․

«Ես հավատում եմ այն պրոցեսին, ինչի միջով հիմա մենք անցնում ենք։ Սա իմ հավաքականն է․ այստեղ մեղավորներ փնտրելու փոխարեն մենք աշխատում ենք սխալները ուղղելու վրա։ Մեր մեծ աշխատանքի և միասնականության շնորհիվ մենք շուտով կլինենք հավաքական, որի հետ շատ շատերը հաշվի կնստեն։

Այս չափից շատ էմոցիոնալ խաղերից հետո շատ կարևոր է արագ վերականգնվել և շարժվել առաջ։ Շնորհակալ եմ մեր երկրպագուներից՝ անմնացորդ նվիրման և աջակցության համար։ Ամեն ինչ փոխադարձ է, իսկ հաղթանակները երկար չեն սպասեցնի»,- գրել է Ավագյանը։