Ձեր հայրը դաստիարակել է հրաշալի որդի. Բելառուսի նախագահը ցավակցել է Գագիկ Ծառուկյանին
Քաղաքական
Այս օրերին Գագիկ Ծառուկյանը և Ծառուկյան ընտանիքը Հայաստանի, Սփյուռքի և արտերկրի բազմաթիվ բարձրաստիճան պաշտոնյաների, քաղաքական, հասարակական, հանրային գործիչներից ստացել և շարունակում է ստանալ ցավակցական հեռագրեր և նամակներ: Այս մասին ֆեյսբուքյան իր էջում գրել է Իվետա Տոնոյանը:
«Բելառուսի Հանրապետության նախագահ Ալեքսանդր Լուկաշենկոյի ցավակցական ուղերձում մասնավորապես նշված է․
«Հարգելի՛ Գագիկ Կոլյայի,
Ընդունեք խորին ցավակցությունս Ձեր հոր՝ Կոլյա Ծառուկյանի մահվան կապակցությամբ: Նա հայ ժողովրդի արժանի զավակն էր, Հայաստանի Հանրապետության նշանակալի հասարակական գործիչ։ Նա պատկանում էր այն մարդկանց սերնդին, որոնք մեր ժողովուրդների մտքերն ու սրտերը կապում էին հավերժական բարեկամությամբ: Վստահ եմ, որ Ձեր հարազատի հոգին խաղաղություն է գտել։ Նա ապրել է արժանապատիվ կյանք և դաստիարակել հրաշալի որդի։ Նրա լուսավոր հիշատակը հավերժ կմնա մեր սրտերում։ Այս դժվարին պահին Ձեզ հետ կիսում եմ ծանր կորստի վիշտն ու անկեղծ ցավակցություն հայտնում:
Հարգանքով՝ Ալեքսանդր Լուկաշենկո»:
Ծառուկյան ընտանիքի անունից շնորհակալություն եմ հայտնում զորակցության և ծանր կորստի վիշտը կիսող բոլոր հաղորդագրությունների համար»,- գրել է նա:
ՈՒՂԻՂ ԵԹԵՐ
Ամենադիտված 
Պարոն վարչապետ, չհասկացա` Ձեր այսօրվա խոսքը ու՞մ էր ուղղված. Արամ Սարգսյան
