Մեծ Բրիտանիայում ստեղծվել է նոր դեղահաբ՝ քաշը նվազեցնելու համար առանց հորմոնների ու ներարկումների

Բրիստոլի համալսարանի գիտնականները ներկայացրել են նոր դեղահատ՝ Sirona, որը օգնում է նվազեցնել մարմնի քաշը մինչև 13,5 տոկոս՝ առանց խիստ դիետաների կամ հորմոնային միջոցների։ Ուսումնասիրության արդյունքները հրապարակվել են Obesity գիտական ամսագրում։

Sirona-ն ստեղծվել է Oxford Medical Products ընկերության կողմից և հիմնված է հիդրոգելի վրա՝ անվտանգ պոլիմերային նյութ, որը ստամոքսում ընդարձակվելով ստեղծում է հագեցվածության զգացում։ Փորձարկումների ընթացքում մասնակիցները օրական միջինում սպառում էին 400 կալորիայով պակաս սնունդ, իսկ կողմնակի ազդեցությունները գրեթե չկային։

Պրոֆեսոր Ջեյմս Բիրնի խոսքով՝ այս մեթոդը կարող է դառնալ մատչելի և անվտանգ այլընտրանք հայտնի դեղերին՝ ինչպես Ozempic և Mounjaro։ Sirona-ն կարող են օգտագործել ոչ միայն ավել քաշ ունեցողները, այլև նրանք, ովքեր ցանկանում են կանխել քաշի ավելացումը կամ պահպանել արդյունքը՝ դադարեցնելով GLP-1 հիմքով ներարկումները։