6 տարում 2 խաղ և 12 տիտղոս․ Մանչեսթեր Սիթիի դարպասապահը հայտարարել է կարիերան ավարտելու մասին

«Մանչեսթեր Սիթիի» նախկին դարպասապահ Սքոթ Քարսոնը հայտարարել է կարիերան ավարտելու մասին։

40-ամյա դարպասապահը հայտնի է նրանով, որ «Սիթիի» կազմում դաշտում անցկացրել է ընդամենը 107 րոպե, սակայն այդ ընթացքում նվաճել է 12 գավաթ։ Նա նաև հանդես է եկել «Լիդսի», «Լիվերպուլի», «Վեսթ Բրոմվիչի», «Դերբի Քաունթիի», մի շարք այլ անգլիական ակումբների և թուրքական «Բուրսասպորի» կազմում։

«Ֆուտբոլը ինձ տվել է ամեն ինչ՝ հիշողություններ, ընկերներ և պահեր, որոնք երբեք չեմ մոռանա։ Շնորհակալ եմ յուրաքանչյուր խաղընկերոջ, մարզչի, երկրպագուի և թիմի, որոնք եղել են իմ ճանապարհի մասը», — գրել է Քարսոնը սոցիալական ցանցերում։